- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
1.3. Агульныя пытанні арганізацыі бібліяграфічнай дзейнасці
Бібліяграфічная дзейнасць не характарызуецца арганізацыйна аформленай цэласнасцю, яна раздроблена і арганічна ўключана ў розныя грамадскія інстытуты, якія забяспечваюць функцыянаванне сістэмы дакументных камунікацый у грамадстве. У якасці калектыўных суб’ектаў бібліяграфічнай дзейнасці выступаюць кніжныя палаты, бібліятэкі, цэнтры НТІ, выдавецтвы, кніжныя магазіны, архівы, музеі, сродкі масавай інфармацыі.
Бібліяграфічная дзейнасць атрымала найбольшае развіццё ў межах бібліятэчнай справы. Сувязі яе з бібліятэкамі сталі настолькі арганічнымі, што нейкі перыяд заставаліся незаўважанымі яе сувязі з іншымі інстытутамі. Спатрэбіўся час, каб вывесці бібліяграфію з бібліятэчных сцен і выявіць яе ўсёпранікальнасць. Перспектыўнае развіццё бібліяграфіі павінна будавацца на далейшай дыферэнцыяцыі, разглядзе спецыфікі яе функцыянавання ў розных сферах, але ў рамках адзінага бібліяграфічнага цэлага, з адзіных пазіцый.
Сёння даволі выразна разумеюцца перавагі аб’яднання бібліятэчнай і бібліяграфічнай дзейнасці. У бібліятэцы ствараюцца найбольш спрыяльныя ўмовы для бібліяграфічнай дзейнасці, бібліяграфія ўзбагачае работу бібліятэкі сваімі метадамі. Бібліяграфічныя працэсы і аперацыі ўключаны ў бібліятэчныя працэсы (напрыклад, камплектаванне фондаў бібліятэкі ўключае вывучэнне планаў выдавецтваў, афармленне бланкаў-заказаў, якія ўяўляюць сабой па сутнасці бібліяграфічныя дапаможнікі); наяўнасць бібліяграфічных аперацый адзначаецца ва ўсіх дзеяннях бібліятэкара, звязаных з афармленнем заказу на літаратуру пры абслугоўванні чытачоў, пры функцыянаванні МБА і інш. Бібліяграфічныя метады шырока выкарыстоўваюцца для рэалізацыі задач, якія стаяць перад бібліятэкамі: метад бібліяграфічнага згортвання дакументаў выкарыстоўваецца пры каталагізацыі дакументаў, пры афармленні выстаў; метады ідэнтыфікацыі бібліяграфічнай інфармацыі, абвяшчэння аб дакументах, рэкамендацыі выкарыстоўваюцца пры абслугоўванні чытачоў, фарміраванні фондаў. У той жа час у рамках бібліятэчнай практыкі сфарміраваліся многія формы бібліяграфічнай дзейнасці (каталогі, картатэкі, спісы літаратуры і інш.), з’явіліся сінтэтычныя формы дзейнасці, якія па сваіх метадах, што выкарыстоўваюцца ў працэсе іх арганізацыі і правядзення, носяць бібліятэчна-бібліяграфічны характар (напрыклад, дні інфармацыі, дні спецыяліста – комплексныя мерапрыемствы, якія ўключаюць розныя працэсы, звязаныя як з непасрэдным экспанаваннем дакументаў, так і абвяшчэннем, давядзеннем звестак аб іх). Як сучасную тэндэнцыю развіцця бібліяграфіі спецыялісты адзначаюць узмацненне ўзаемапранікальнасці бібліятэчнай і бібліяграфічнай дзейнасці.
Узаемапранікальнасць бібліяграфічных працэсаў, метадаў, формаў дзейнасці характэрна і для другіх відаў бібліяграфічнай дзейнасці: кнігагандлёва-бібліяграфічнай, выдавецка-бібліяграфічнай, музейна-бібліяграфічнай, архіўна-бібліяграфічнай і інш. Спецыфіка кожнага з названых відаў сістэмы дакументных камунікацый вызначае своеасаблівасці бібліяграфічнай дзейнасці, вывучэнне якіх уяўляецца значным з пункту гледжання ўдасканалення асобных формаў і метадаў, развіцця ўзаемадзеяння ў межах адзінай бібліяграфічнай сістэмы.
Акрамя ведамаснага прынцыпу, арганізацыйная структура бібліяграфічнай дзейнасці ў краіне будуецца яшчэ на аснове двух прынцыпаў: тэрытарыяльнага і змястоўнага. Паводле тэрытарыяльнага прынцыпу вылучаюцца тры ўзроўні цэнтраў – суб’ектаў бібліяграфічнай дзейнасці: рэспубліканскі, рэгіянальны (абласны), нізавы. Паводле змястоўнага прынцыпу вылучаюць універсальныя цэнтры, шматгаліновыя і галіновыя.
Рэспубліканскія цэнтры бібліяграфічнай дзейнасці забяспечваюць бібліяграфічнае суправаджэнне працэсаў фарміравання, вядзення і арганізацыі выкарыстання рэспубліканскіх інфармацыйных фондаў розных суб’ектаў сістэмы дакументных камунікацый, стварэнне баз і банкаў даных па розных відах крыніц інфармацыі, галінах ведаў і сферах практычнай дзейнасці, інтэграцыю беларускіх рэсурсаў у сусветную інфармацыйную прастору і развіццё рынку інфармацыйных, у тым ліку бібліяграфічных, прадуктаў і паслуг.
Рэгіянальныя (абласныя) цэнтры бібліяграфічнай дзейнасці выконваюць аналагічныя функцыі ў дачыненні да рэгіянальных інфармацыйных фондаў і ажыццяўляюць забеспячэнне бібліяграфічных патрэбнасцей карыстальнікаў рэгіёна, незалежна ад месца вытворчасці і знаходжання бібліяграфічнай інфармацыі.
Нізавыя цэнтры бібліяграфічнай дзейнасці, якія у большасці функцыянуюць у межах пэўных арганізацый, прадпрыемстваў, арыентуюць сваю бібліяграфічную дзейнасць на задавальненне патрэбнасцей карыстальнікаў ведамасных структур з выкарыстаннем як уласных бібліяграфічных сродкаў, так і падрыхтаваных на рэспубліканскім, рэгіянальным узроўнях, а пры наяўнасці адпаведных сродкаў сувязі і тэхнічных магчымасцей і сусветных інфармацыйных рэсурсаў. Безумоўна, што функцыі розных суб’ектаў бібліяграфічнай дзейнасці дэталізуюцца, канкрэтызуюцца ў залежнасці ад іх спецыфічных задач і асаблівасцей.
Функцыянаванне цэнтраў бібліяграфічнай дзейнасці трэба разглядаць і ў межах станаўлення ў рэспубліцы дзяржаўнай сістэмы НТІ, якая практычна пачала аднаўляцца з 1996 г. і працэс фарміравання якой сёння ўзначальвае Нацыянальны цэнтр інфармацыйных рэсурсаў і тэхналогій НАН РБ, і як састаўную частку агульнай нацыянальнай інфармацыйнай сістэмы краіны. Арганізацыйная структура бібліяграфічнай дзейнасці ў РБ, несумненна, працягвае сваё развіццё на сучасным этапе: адбываецца рэструктурызацыя былых цэнтраў НТІ, ствараюцца новыя інфармацыйныя ўстановы, удасканальваецца сістэма інфармацыі на рэспубліканскім, рэгіянальным і нізавым узроўнях.
Дыферэнцыяцыя цэнтраў бібліяграфічнай дзейнасці па змястоўнаму прынцыпу звязана з вылучэннем цэнтраў універсальнага, шматгаліновага, галіновага характару. Цэнтры універсальнага характару, якія змяшчаюць дакументы па ўсіх галінах ведаў, прадстаўлены перш за ўсё Нацыянальнай кніжнай палатай Рэспублікі Беларусь, Нацыянальнай бібліятэкай Беларусі, абласнымі універсальнымі навуковымі бібліятэкамі, публічнымі бібліятэкамі ЦБС. У гэтым шэрагу неабходна назваць органы навукова-тэхнічнай інфармацыі, якія спецыялізуюцца на асобных відах дакументаў па ўсіх галінах ведаў. Сярод іх Інстытут прыкладных праграмных сістэм Нацыянальнай акадэміі навук Беларусі выконвае функцыі інфармавання аб электронных інфармацыйных рэсурсах, уключаных у дзяржаўны рэгістр інфармацыйных рэсурсаў; Беларускі інстытут сістэмнага аналізу і інфармацыйнага забеспячэння навукова-тэхнічнай сферы (БелІСА), які спецыялізуецца на рабоце з непублікуемымі дакументамі: справаздачамі па навукова-даследчых работах, вопытна-канструктарскіх распрацоўках, вопытна-тэхналагічных работах, а таксама з дэпаніраванымі рукапісамі; Беларускі дзяржаўны інстытут стандартызацыі і сертыфікацыі (БелДІСС) Камітэта па стандартызацыі, метралогіі і сертыфікацыі спецыялізуецца на рабоце з нарматыўнымі дакументамі па стандартызацыі, метралогіі і сертыфікацыі; Нацыянальны цэнтр інтэлектуальнай уласнасці працуе з патэнтнай дакументацыяй; Нацыянальны цэнтр прававой інфармацыі пры Адміністрацыі Прэзідэнта РБ спецыялізуецца на рабоце з прававой інфармацыяй; Камітэт па зямельных рэсурсах, геадэзіі і картаграфіі пры Савеце Міністраў РБ (Картфонд) спецыялізуецца на рабоце з картаграфічнай інфармацыяй.
Да бібліяграфічных цэнтраў шматгаліновага профілю адносяцца Цэнтральная навуковая бібліятэка НАН Беларусі, Рэспубліканская навукова-тэхнічная бібліятэка, Прэзідэнцкая бібліятэка, Фундаментальная бібліятэка БДУ, цэнтры навукова-тэхнічнай і дзелавой інфармацыі ў абласных гарадах, абласныя навукова-тэхнічныя бібліятэкі, бібліятэкі універсітэтаў і іншых ВНУ.
Фарміраванне, вядзенне і арганізацыю выкарыстання галіновых даведачна-бібліяграфічных фондаў, баз і банкаў даных, падрыхтоўку і выданне розных відаў бібліяграфічных крыніц, задавальненне інфармацыйных патрэбнасцей спецыялістаў пэўных галін ведаў ажыццяўляюць галіновыя бібліятэкі і органы навукова-тэхнічнай інфармацыі. Сярод іх – Рэспубліканская навуковая медыцынская бібліятэка, Беларуская сельскагаспадарчая бібліятэка, Беларускі цэнтр навукова-медыцынскай інфармацыі, Белбудінфармцэнтр, Інфармацыйны цэнтр Міністэрства сельскай гаспадаркі і харчавання РБ, аддзелы навуковай інфармацыі па праблемах культуры і мастацтва, аддзел інфармацыі РУП “Цэнтр навуковых даследаванняў лёгкай прамысловасці”, абласныя навукова-медыцынскія бібліятэкі, галіновыя бібліятэкі, аддзелы НТІ, службы стандартызацыі, патэнтныя службы нізавога ўзроўню.
Сярод бібліяграфічных цэнтраў вылучаюцца таксама ў залежнасці ад спецыялізацыі універсальныя, шматгаліновыя, галіновыя выдавецтвы, кнігагандлёвыя прадпрыемствы і арганізацыі, сродкі масавай інфармацыі, архівы, музеі.