- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
Пытанні і заданні
1. Параўнайце азначэнні, якія прыводзяцца ў ГОСТ 7.0 – 84 “Библиографическая деятельность. Основные термины и определения” і ў ГОСТ 7.0 – 99 “Информационно-библиотечная деятельность. Библиография. Термины и определения», у адносінах да бібліяграфічнага абслугоўвання, абгрунтуйце іх асаблівасці.
2. Чым адрозніваюцца асноўныя формы індывідуальнага інфармавання паміж сабой?
3. Абгрунтуйце, чаму такая форма, як выбіральнае распаўсюджванне інфармацыі, лічыцца больш эфектыўнай у параўнанні з іншымі формамі дыферэнцыраванага інфармавання?
4. Чым адрозніваюцца такія комплексныя формы, як дзень інфармацыі і дзень спецыяліста?
5. У чым вы бачыце перспектывы развіцця бібліяграфічнага інфармавання ў бібліятэках?
Глва 9. Даведачна-бібліяграфічнае абслугоўванне: агульныя пытанні
Даведачна-бібліяграфічнае абслугоўванне з’яўляецца адным з відаў бібліяграфічнага абслугоўвання, абавязковым і значным кірункам дзейнасці бібліятэк усіх тыпаў. Тэарэтычная трактоўка даведачна-бібліяграфічнага абслугоўвання заснавана на разуменні патрэбнасці ў ім. Немагчымасць атрымаць патрэбную інфармацыю у сувязі з існаваннем розных бар’ераў (фізічных, эканамічных, псіхалагічных і інш.), змест якіх разглядаецца ў курсе “Бібліяграфазнаўства. Тэорыя”, прыводзіць да неабходнасці звароту за дапамогай да пасрэднікаў (бібліёграфаў, інфармацыйных брокераў) паміж спажыўцамі і зафіксаванай у розных крыніцах інфармацыяй. Спажыўцы становяцца карыстальнікамі даведачна-бібліяграфічнага абслугоўвання, якія з разавымі запытамі звяртаюцца ў бібліятэку, бібліяграфічную службу ці іншую інфармацыйную ўстанову. Значэнне даведачна-бібліяграфічнага абслугоўвання не зменшыцца, таму што вышэйазначаныя бар’еры ў рознай форме і ступені існавалі і будуць існаваць. На думку вучоных, нягледзячы на інтэрнет, спажывец можа самастойна атрымаць толькі 5% неабходнай яму інфармацыі, таму што яму невядома сістэма каардынат для кожнага параметра – характарыстыкі дакумента.
ГОСТ 7.0 – 99 “Информационно-библиотечная деятельность, библиография. Термины и определения» дае наступнае азначэнне гэтага віду бібліяграфічнага абслугоўвання: “Даведачна-бібліяграфічнае абслугоўванне – гэта абслугоўванне ў адпаведнасці з запытамі спажыўцоў інфармацыі, звязанае з прадастаўленнем даведак і іншых бібліяграфічных паслуг”. Гэтае азначэнне не можа задаволіць спецыялістаў, таму што не раскрывае розніцы паміж відамі бібліяграфічнага абслугоўвання. Яно патрабуе ўдакладненняў. Больш адэкватным з’яўляецца разуменне такога віду абслугоўвання, як абслугоўванне ў адпаведнасці з разавымі запытамі спажыўцоў інфармацыі.
У працэсе даведачна-бібліяграфічнага абслугоўвання выдзяляюцца тры асноўныя элементы: разавы запыт – пошук інфармацыі – адказ.
Разавы запыт можа насіць бібліяграфічны і фактаграфічны характар. Бібліяграфічны запыт уяўляе сабой па- трабаванне на бібліяграфічную інфармацыю. Фактаграфічны запыт – гэта запыт на атрыманне канкрэтных звестак тэхнічнага, храналагічнага, статыстычнага характару.
Адказ на запыт можа быць выдадзены ў выглядзе даведкі, метадычнай кансультацыі і адмовы. Асноўнымі станоўчымі формамі адказу на запыт з’яўляюцца даведкі і метадычныя кансультацыі, якія ў залежнасці ад характару змешчанай у іх інфармацыі могуць быць бібліяграфічнымі і фактаграфічнымі.
Бібліяграфічныя даведкі бываюць трох тыпаў: тэматычныя, адрасна-бібліяграфічныя, удакладняльныя. Згодна з міждзяржаўным стандартам тэматычная даведка – гэта бібліяграфічная даведка, якая змяшчае пералік дакументаў па пэўнай тэме. Некалькі шырэй трактуе змест тэматычнай даведкі І.Р.Маргенштэрн. Ён лічыць, што тэматычная даведка ўяўляе сабой любое мноства бібліяграфічных запісаў (у тым ліку і адзін) па прадмету пошуку ці любое мноства дакументаў па якой-небудзь аб’яднальнай іх прымеце (агульнасці зместу, аўтарства, месца ці часу іх стварэння, серыі і інш.).
Адрасна-бібліяграфічная даведка – гэта бібліяграфічная даведка, якая змяшчае звесткі аб наяўнасці і (ці) месцазнаходжанні запытваемага дакумента ў пэўным фондзе бібліятэкі, органа НТІ, архіва і інш.
Удакладняльная бібліяграфічная даведка – гэта бібліяграфічная даведка, якая ўстанаўлівае і (ці) удакладняе элементы бібліяграфічнага апісання дакумента, што адсутнічаюць ці недакладныя ў запыце спажыўца інфармацыі.
Фактаграфічная даведка – гэта адказ на запыт, які змя- шчае фактычныя звесткі па сутнасці пытання (факты, лічбы, даты і інш. ).
Выдзяляюцца таксама і падтыпы даведак адпаведна іх зместу: патэнтныя, нотаграфічныя, па ўстанаўленні месца публікацыі прававых актаў і інш.
Адказ на запыт можа быць дадзены таксама ў выглядзе метадычнай кансультацыі, якая змяшчае парады і ўказвае шляхі атрымання неабходнай інфармацыі. Па сутнасці метадычная кансультацыя ў шэрагу выпадкаў з’яўляецца “мяккай” ускоснай адмовай выконваць запыт і мае на мэце накіраваць актыўнасць спажыўца на самастойны пошук, развіць бібліяграфічную самастойнасць чытача, перавесці яго ў рэжым бібліяграфічнага самаабслугоўвання. Замена даведкі кансультацыяй адбываецца, калі спажывец здольны самастойна правесці просты пошук ці па роду сваёй дзейнасці (падрыхтоўка дысертацыі, дыпломнай работы) абавязаны самастойна шукаць інфармацыю.
Адказ на разавы запыт можа быць не толькі станоўчым, але і адмоўным. У такім выпадку ён называецца адмовай. Адмова – гэта адказ на разавы запыт, які змяшчае матывіроўку немагчымасці выдаць спажыўцу інфармацыю, рэлевантную запыту. Адрозніваюць два віды адмовы. Адмова на этапе прыёму запыту – гэта адмова, згодна з якой бібліяграфічны пошук па запыту не вядзецца і запыт не прымаецца да выканання. Даецца ён у выпадках, калі запыт паступіў не па профілі бібліятэкі, даведачна-бібліяграфічны апарат не прыстасаваны да пошуку патрабуемай інфармацыі, пошук інфармацыі спажывец павінен весці самастойна, запыт звязаны з культурна-адпачынкавым правядзеннем часу, запыт не змяшчае дастатковых звестак для бібліяграфічнага пошуку. Адмова па даведцы – гэта адказ, які змяшчае звесткі аб тым, што патрабуемая спажыўцу інфармацыя не выяўлена па бібліяграфічных ці іншых крыніцах яе пошуку.
Пераадрасаванне – гэта адказ, які змяшчае адрас бібліятэкі ці органа інфармацыі з абвяшчэннем спажыўца аб перадачы яго запыту ў гэтую бібліятэку. У дадзеным выпадку бібліёграф запісвае тэлефон спажыўца і дамаўляецца аб тэрмінах яго паўторнага звароту. Запыты перанакіроўваюцца ў бібліятэкі, здольныя і згодныя іх паўнацэнна задаволіць, як правіла, бібліятэкі-філіялы накіроўваюць запыты ў цэнтральныя бібліятэкі ЦБС, цэнтральныя бібліятэкі – у галіновыя цэнтры бібліяграфічнай дзейнасці рэгіёнаў. Пры гэтым бібліятэка прымае запыт да выканання пры наяўнасці і дакладнасці ўсіх неабходных даных.
Па форме адказу выдзяляюцца адказы ў вуснай, пісьмовай і электроннай формах.
У залежнасці ад крыніцы паступлення запытаў адказы па- дзяляюцца на ўнутраныя (выконваюцца для спажыўцоў пры непасрэдным кантакце з імі) і знешнія (выконваюцца па запытах, якія паступілі па розных каналах сувязі, у тым ліку з філіялаў ЦБС і іншых бібліятэк, ад “віртуальных” карыстальнікаў па электроннай пошце).
Даведачна-бібліяграфічнае абслугоўванне ажыццяўляецца ў двух рэжымах: аператыўным і падоўжаным. Аператыўнае абслугоўванне ажыццяўляецца адразу пасля паступлення запыту, звычайна пры непасрэдным кантакце са спажыўцом (або па тэлефоне). Падоўжанае абслугоўванне ажыццяўляецца дыяхронна пры немагчымасці аператыўна знайсці рэлевантны адказ і згодзе спажыўца на чаканне адказу. Тэрміны выканання даведак вызначаюцца ў “Палажэнні аб даведачна-бібліяграфічным абслугоўванні ў бібліятэцы” (у асобных бібліятэках тэрмін падоўжанага абслугоўвання вызначаецца да трох сутак ці па дамоўленасці).
Важным элементам даведачна-бібліяграфічнага абслугоўвання з’яўляецца бібліяграфічны пошук. Тэрмін “бібліяграфічны пошук” увайшоў ва ўжытак бібліяграфічнай навукі і практыкі параўнальна нядаўна, пад уплывам інфарматыкі. Раней бібліёграфы карысталіся тэрмінамі “бібліяграфічнае адшуканне” і “бібліяграфічнае выяўленне”. У выніку праве- дзенай у апошнія гады работы па ўпарадкаванні бібліяграфічнай тэрміналогіі былі ўдакладнены названыя паняцці. Згодна з ГОСТ 7.0 – 99 “бібліяграфічны пошук – гэта інфармацыйны пошук, які ажыццяўляецца на падставе бібліяграфічных даных”. Разавы бібліяграфічны запыт выклікае дзеянні суб’екта бібліяграфічных працэсаў – бібліёграфа, пасрэдніка паміж спажыўцом і крыніцамі шукаемай інфармацыі. Суб’ект вызначае прадмет пошуку, складае пошукавы вобраз запыту, а затым ажыццяўляе бібліяграфічны пошук неабходнай інфармацыі. Яго адрозненне заключаецца ў тым, што гэта разнавіднасць дакументнага, пошуку, і ў ходзе яго правя- дзення шукаюцца і даводзяцца да спажыўца не самі дакументы, а толькі звесткі аб іх. Фактаграфічны пошук прадугле- джвае адшуканне саміх фактаў, а не звестак аб дакументах.
Эфектыўнасць бібліяграфічнага пошуку, як і ўвогуле даведачна-бібліяграфічнага абслугоўвання, звязана з дасягненнем максімальна магчымай аператыўнасці задавальнення запыту ў спалучэнні з высокай якасцю выдаваемых спажыўцам даведак. Якасць даведак перш за ўсё вымяраецца рэлевантнасцю інфармацыі (адпаведнасць знойдзенай бібліяграфічнай інфармацыі запыту спажыўца) і пертынентнасцю (адпаведнасць выдадзенай бібліяграфічнай інфармацыі рэальным па- трэбнасцям спажыўца).
Якасць і аператыўнасць даведачна-бібліяграфічнага абслугоўвання залежаць ад наступных фактараў: стану даведачна-бібліяграфічнага апарату бібліятэкі, узроўню ўзаемадзеяння бібліятэк у галіне даведачна-бібліяграфічнага абслугоўвання, інфармацыйнай культуры спажыўцоў, кваліфікацыі і вопыту бібліёграфа. На апошнім фактары неабходна засяродзіць асаблівую ўвагу. Поспех даведачна-бібліяграфічнага абслугоўвання ў значнай меры залежыць ад асобы бібліёграфа, яго агульнанавуковай падрыхтоўкі, прафесійнага майстэрства, ведання тэхналогіі ажыццяўлення розных працэсаў абслугоўвання, асаблівасцей інфармацыйных патрэбнасцей розных груп спажыўцоў і механізма фарміравання і выражэння іх запытаў. Доўгі час ажыццяўленне складаных бібліяграфічных адшуканняў лічылася ўдзелам нямногіх людзей, якія валодаюць шырынёй пазнання, унікальнай памяццю, веданнем бібліяграфічных рэсурсаў. Важнымі якасцямі бібліёграфа лічацца ўменне хутка пераключацца з адной тэмы на другую, інтуіцыя, эўрыстычныя здольнасці, педагагічны такт, альтруізм у пэўнай меры.