- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
Пытанні і заданні
1. Раскрыйце механізм фарміравання інфармацыйных, бібліяграфічных патрэбнасцей карыстальнікаў інфармацыі і магчымасці іх вывучэння.
2. Па якіх прыметах можна ахарактарызаваць патрэбнасці ў бібліяграфічнай інфармацыі карыстальнікаў?
3. Правядзіце параўнальны аналіз розных метадаў вывучэння інфармацыйных патрэбнасцей.
4. Выкарыстоўваючы метад мадэлявання, ахарактарызуйце інфармацыйныя патрэбнасці настаўнікаў, бібліятэкараў, студэнтаў.
5. Як бы вы арганізавалі ў бібліятэцы работу па вывучэнні інфармацыйных патрэбнасцей карыстальнікаў сваёй бібліятэкі?
Глава 8. Бібліяграфічнае абслугоўванне: агульныя пытанні
Кардынальныя змены, якія адбываюцца ва ўсіх сферах грамадства, патрабуюць перагляду і ўдасканалення кірункаў бібліятэчна-бібліяграфічнай дзейнасці, у тым ліку і бібліяграфічнага абслугоўвання. Згодна з ГОСТ 7.0 – 99 “Информационно-библиотечная деятельность, библиография. Термины и определения” бібліяграфічнае абслугоўванне вызначаецца як працэс забеспячэння спажыўцоў бібліяграфічнай інфармацыяй. У адрозненне ад працэсу бібліяграфавання бібліяграфічнае абслугоўванне арыентавана на давядзенне да спажыўцоў бібліяграфічнай інфармацыі. Для яго сёння характэрныя такія новыя арганізацыйныя і зместавыя падыходы, як накіраванасць на задавальненне рэальных патрэбнасцей і запытаў спажыўцоў; дэмакратызацыя абслугоўвання; прыярытэтнае развіццё інфармацыйнай функцыі бібліятэкі ў параўнанні з функцыяй фондаўтварэння, заснаванае на неабходнасці забеспячэння бібліятэкай максімальна шырокага доступу спажыўцам да знешніх інфармацыйных рэсурсаў; рознабаковае інфармацыйнае ўзаемадзеянне бібліятэк на аснове выкарыстання новых тэхналагічных магчымасцей, звязаных з укараненнем інфармацыйных тэхналогій. Усё гэта выклікае неабходнасць весці пошук формаў абслугоўвання, пашыраць асартымент бібліятэчна-бібліяграфічных паслуг, клапаціцца аб павышэнні іх якасці.
Адрозніваюць два віды бібліяграфічнага абслугоўвання: бібліяграфічнае інфармаванне і даведачна-бібліяграфічнае абслугоўванне. У адпаведнасці з ГОСТ 7.0 – 99 “Информационно-библиотечная деятельность, библиография. Термины и определения» бібліяграфічнае інфармаванне вызначаецца як сістэматычнае забеспячэнне бібліяграфічнай інфармацыяй абанента ў адпаведнасці з яго доўгатэрміновым запытам. У параўнанні з папярэднім стандартам на тэрміналогію ў галіне бібліяграфічнай дзейнасці з азначэння бібліяграфічнага інфармавання зняты такі момант, як распаўсюджванне інфармацыі без запыту, што наўрад ці правільна. У практыцы бібліятэк і інфармацыйных цэнтраў шырока выкарыстоўваецца так званае ініцыятыўнае інфармаванне, якое ажыццяўляецца бібліяграфічнай службай без запытаў з боку канкрэтных груп, асоб па найбольш актуальных, сацыяльна значных тэмах. У якасці мэты ставіцца раскрыццё наяўных інфармацыйных рэсурсаў, актыўнае давядзенне інфармацыі аб іх да спажыўцоў, рэклама найбольш каштоўных выданняў, новых паступленняў, калекцый і інш.
Паводле крытэрыю ахопу карыстальнікаў адрозніваюць дыферэнцыраванае і недыферэнцыраванае (масавае) бібліяграфічнае інфармаванне. Дыферэнцыраванае інфармаванне, у сваю чаргу, падзяляецца на індывідуальнае – інфармаванне індывіда ў адпаведнасці з яго патрэбнасцямі – і групавое (калектыўнае) – інфармаванне груп карыстальнікаў, аб’яднаных па прымеце падобнасці інфармацыйных патрэбнасцей.
У адрозненне ад бібліяграфічнага інфармавання, якое прадугледжвае рэгулярнасць давядзення бібліяграфічнай інфармацыі аб дакументах, даведачна-бібліяграфічнае абслугоўванне ўяўляе дзейнасць па задавальненні разавых запытаў карыстальнікаў.