- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
Пытанні і заданні
1. Выкананню якіх функцый садзейнічае ДБФ бібліятэкі? Чым ён адрозніваецца ад сістэмы каталогаў і картатэк?
2. Якія падыходы і крытэрыі ляжаць у аснове фарміравання ДБФ, як ён суадносіцца з профілем камплектавання асноўнага фонду бібліятэкі?
3. У чым праяўляюцца асаблівасці камплектавання ДБФ бібліятэк розных тыпаў?
4. Прааналізуйце даведачна-бібліяграфічны фонд канкрэтнай бібліятэкі і вызначце яго адпаведнасць функцыям і задачам, якія стаяць перад бібліятэкай.
5. Які ўплыў на камплектаванне ДБФ аказвае выкарыстанне ў бібліятэках новых інфармацыйных тэхналогій?
6. Як Вы разумееце паняцце “размеркаваны даведачна-бібліяграфічны фонд” бібліятэкі, рэгіёна? Чым выклікана яго існаванне? Якія сродкі для яго больш эфектыўнага выкарыстання павінны стварацца?
7. Якія Вы бачыце перспектыўныя кірункі развіцця розных відаў бібліяграфіі ў краіне, зыходзячы з патрэбнасцей грамадства, асноўных груп карыстальнікаў, сусветнага вопыту?
8. Ахарактарызуйце стан бібліяграфічнай забяспечанасці асноўных галін ведаў у краіне навукова-дапаможнымі крыніцамі рознага ўзроўню, рознага функцыянальна-мэтавага прызначэння.
9. Вызначце асноўныя тэндэнцыі развіцця навукова-дапаможнай бібліяграфіі ў нашай краіне.
10. Якія Вы можаце прывесці аргументы на карысць неабходнасці стварэння крыніц папулярнай бібліяграфіі?
11. Ці павінна ажыццяўляцца каардынацыя дзейнасці бібліятэк, органаў НТІ, навуковых устаноў па падрыхтоўцы электронных бібліяграфічных рэсурсаў на сучасным этапе і з дапамогай якіх сродкаў?
12. Якія базы даных па змесце адлюстраваных дакументаў, характары інфармацыі, грамадскім прызначэнні маглі б рыхтаваць бібліятэкі ВНУ на карпаратыўных пачатках?
13. Ахарактарызуйце існуючыя сродкі і магчымыя шляхі інфармавання аб інфармацыйных рэсурсах, якія маюцца ў краіне.
Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
Глава 6. Тэхналогія і методыка падрыхтоўкі
Бібліяграфічных дапаможнікаў: агульныя пытанні
Працэс падрыхтоўкі бібліяграфічнай інфармацыі называецца бібліяграфаваннем. Ён з'яўляецца арганічнай састаўной часткай разнастайных кірункаў як бібліяграфічнай дзейнасці (складальніцкай, бібліяграфічнага інфармавання, даведачна-бібліяграфічнага абслугоўвання), так і небібліяграфічных (камплектавання, апрацоўкі дакументаў, абслугоўвання чытачоў у бібліятэках). Вынікам працэсу бібліяграфавання з'яўляецца бібліяграфічнае абвяшчэнне, якое можа функцыянаваць як у вуснай, так і дакументальнай форме (бібліяграфічны запіс). Найбольш распаўсюджаным спосабам існавання бібліяграфічнай інфармацыі з'яўляецца бібліяграфічны дапаможнік.
Падрыхтоўка бібліяграфічных дапаможнікаў розных відаў, тыпаў, жанраў, формаў – адзін з важнейшых кірункаў дзейнасці бібліятэкі па бібліяграфаванні дакументаў. Нягле- дзячы на скарачэнне колькасных паказчыкаў выпуску бібліяграфічных дапаможнікаў у традыцыйнай друкаванай форме, актуальнасць добрага ведання бібліёграфамі пытанняў арганізацыі, тэхналогіі і методыкі падрыхтоўкі бібліяграфічных дапаможнікаў як у традыцыйнай, так і машыначытальнай формах не зніжаецца. Наадварот, выкарыстанне сродкаў аўтаматызацыі ў бібліяграфічнай дзейнасці паўплывала на больш пільную ўвагу да вывучэння тэхналагічных і метадычных пытанняў бібліяграфічнай дзейнасці, уменняў паставіць задачы перад праграмістамі для распрацоўкі аўтаматызаваных тэхналогій працэсаў бібліяграфавання і ацэньваць якасць іх функцыянавання, пастаянна клапаціцца над пашырэннем асартыменту бібліяграфічнай прадукцыі; рыхтаваць бібліяграфічныя прадукты ў машыначытальнай форме з такімі якаснымі характарыстыкамі, якія б дазволілі іх рэалізоўваць на інфармацыйным рынку ў якасці тавару, выстаўляць у сусветныя камп'ютэрныя сеткі і выкарыстоўваць сусветныя інфармацыйныя рэсурсы ў розных формах.
Да арганізацыйных пытанняў складальніцкай бібліяграфічнай дзейнасці адносяцца пытанні яе матэрыяльнага, кадравага забеспячэння, каардынацыі і кааперацыі дзейнасці бібліяграфічных і небібліяграфічных падраздзяленняў, далучэння да гэтай работы спецыялістаў іншых галін ведаў і сфер дзейнасці ў якасці кансультантаў, рэдактараў, рэцэнзентаў, планавання і збыту бібліяграфічнай прадукцыі і інш.
Што тычыцца пытанняў тэхналогіі і методыкі бібліяграфавання, то доўгі час гэтыя паняцці разглядаліся як сінонімы, іх атаясамлівалі на практыцы. Але працэсы аўтаматызацыі бібліятэчна-бібліяграфічнай дзейнасці з усёй вастрынёй паказалі: нягледзячы на тое, што пытанні методыкі складання дапаможнікаў розных відаў, рознага зместу ў большай ступені распрацаваны, даволі складаным аказалася па распрацаваных методыках вызначыць і падрыхтаваць тэхналагічнае апісанне разглядаемага кірунку дзейнасці. Сёння ў залежнасці ад выкарыстоўваемых сродкаў вылучаюцца традыцыйная (ручная) тэхналогія падрыхтоўкі бібліяграфічных дапаможнікаў; машынная тэхналогія; тэхналогія складання бібліяграфічных дапаможнікаў з выкарыстаннем адначасова традыцыйных і аўтаматызаваных сродкаў. Тэхналогія бібліяграфавання раскрывае паслядоўнасць бібліяграфічных аперацый, дзеянняў бібліёграфа (або ЭВМ – у машынным рэжыме), выкарыстоўваемых сродкаў і прадметаў працы ў мэтах падрыхтоўкі бібліяграфічных дапаможнікаў.
Методыка бібліяграфавання раскрывае метадычныя прыёмы, рашэнні на падставе тэарэтычных распрацовак і перадавога вопыту пры складанні дапаможнікаў з мэтай рацыяналізацыі ажыццяўлення аперацый і працэсаў бібліяграфавання і атрымання прадуктаў з заданымі якасцямі. Методыка падрыхтоўкі бібліяграфічных дапаможнікаў залежыць ад розных фактараў: зместу рыхтуемага дапаможніка, яго мэтавага і чытацкага прызначэння, жанравых асаблівасцей, інфармацыйна-рэсурснага і матэрыяльнага забеспячэння гэтай работы. Між тым існуюць метадычныя правілы і прыёмы, агульныя для складання любога віду бібліяграфічнага дапаможніка. Менавіта іх і раскрывае агульная методыка бібліяграфавання. Асобная методыка бібліяграфавання раскрывае спецыфічныя асаблівасці падрыхтоўкі бібліяграфічных дапаможнікаў розных відаў, тыпаў, жанраў, формаў. Да асобных адносіцца і галіновая методыка, якая раскрывае асаблівасці бібліяграфавання дакументаў па розных галінах ведаў.
Добрае веданне тэхналогіі і методыкі, арганізацыйных пытанняў складальніцкай бібліяграфічнай дзейнасці – неабходная ўмова прафесійнай падрыхтоўкі кожнага бібліятэкара-бібліёграфа. Яна дазволіць эфектыўна ажыццяўляць выкананне асноўных працэсаў і аперацый бібліяграфавання; забяспечыць якасць і зменшыць затраты на падрыхтоўку бібліяграфічнай прадукцыі; эфектыўна выкарыстоўваць ужо гатовыя бібліяграфічныя прадукты; якасна ажыццяўляць розныя працэсы бібліяграфічнага абслугоўвання; рацыянальна будаваць адносіны пры ўзаемадзеянні з іншымі структурнымі падраздзяленнямі бібліятэкі, іншымі бібліятэчнымі ўстановамі і інфармацыйнымі органамі, спецыялістамі розных галін ведаў і сфер дзейнасці.
У ліку асноўных патрабаванняў да складальнікаў бібліяграфічнай прадукцыі адносяцца і такія, як высокая агульнанавуковая падрыхтоўка; валоданне ўменнямі, здольнасцямі "ўвайсці, ўжыцца" ў тэму складаемага дапаможніка; веданне патрэбнасцей спажыўцоў, на якіх пераважна будзе разлічаны дапаможнік; добрае веданне існуючых інфармацыйна-бібліяграфічных рэсурсаў; аб'ектыўнасць; уменне лагічна мысліць; валоданне літаратурнымі здольнасцямі; акуратнасць і дасканаласць.
Падрыхтоўка бібліяграфічнага дапаможніка – гэта працаёмкі, комплексны працэс, які складаецца з чатырох асноўных этапаў: падрыхтоўчага, аналітычнага, сінтэтычнага і заключнага. Асаблівасці ажыццяўлення кожнага з іх мы і разгледзім.