- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
6.3. Тэхналагічная характарыстыка сінтэтычнага этапу складання бібліяграфічных дапаможнікаў
Галоўная задача сінтэтычнага этапу – сфарміраваць структуру бібліяграфічнага дапаможніка, якая б адпавядала яго мэтаваму і чытацкаму прызначэнню, жанру. Гэтая задача рэалізуецца з дапамогай такіх працэсаў, як канчатковы адбор і групоўка дакументаў.
Канчатковы адбор – гэта выбар з масіву дакументаў, якія выяўлены на папярэдніх этапах, тых дакументаў, што адпавядаюць крытэрыям адбору, вызначаным у плане-праспекце дапаможніка. Папярэдні адбор дакументаў ажыццяўляецца ўжо ў працэсе падрыхтоўчага этапу – у ходзе іх выяўлення, а таксама на аналітычным этапе падчас агульнага бібліяграфічнага аналізу дакумента.
Адрозніваюць фармальны, зместавы і якасны адбор.
Фармальны адбор – гэта адбор па знешніх прыметах дакумента. Фармальныя абмежаванні пры адборы могуць быць фармальна-выдавецкія (від выдання, тыраж, аб'ём); храналагічныя (уліковы перыяд і час напісання); тэрытарыяльныя (месца выдання); моўныя. Могуць выступаць і прасторавыя абмежаванні, звязаныя з раскрыццём фонду пэўнай бібліятэкі ці асартыменту выдавецкай прадукцыі. У бібліяграфічнай практыцы пералічаныя фармальныя прыметы адбору звычайна сумяшчаюцца.
Пры зместавым адборы ўвага надаецца тэматыцы дакумента, яго адпаведнасці тэме, зместавым аспектам і праблемам, якім прысвечаны бібліяграфічны дапаможнік.
Якасны адбор – гэта адбор дакументаў у адпаведнасці з мэтавым і чытацкім прызначэннем дапаможніка, а таксама паводле іх навуковай, мастацкай і іншай каштоўнасці. Ён больш складаны, арыентаваны на рэалізацыю ацэначнай функцыі дапаможніка, патрабуе ад бібліёграфа добрага ведання асаблівасцей інфармацыйных патрэбнасцей асноўных груп спажыўцоў, якім прызначаецца дапаможнік, а таксама ўмення арыентавацца ў дакументным патоку і ажыццяўляць параўнальны аналіз якасці дакументаў.
У бібліяграфічнай практыцы ўсе віды адбору спалучаюцца, але ў залежнасці ад віду складаемага бібліяграфічнага дапаможніка па грамадскім, функцыянальна-мэтавым прызначэнні адзін з відаў адбору можа выступаць у якасці асноўнага, а іншыя – дадатковымі.
Бібліяграфічная групоўка – гэта аб'яднанне бібліяграфічных запісаў у групы па заданых прыметах. Мэты групоўкі ў бібліяграфічным дапаможніку – упарадкаванне, прывядзенне ў лагічную і стройную сістэму выяўленых першасных дакументаў; дапамога спажыўцу ў хуткім знаходжанні неабходных дакументаў.
Арганізацыя бібліяграфічнага матэрыялу ў дапаможніку складаецца з трох наступных момантаў: падзяленне ўсяго масіву запісаў на пэўныя групы па абранай прымеце; вызначэнне паслядоўнасці раздзелаў, падраздзелаў і рубрык; выбар спосабу размяшчэння запісаў унутры рубрык, падрубрык (у апошніх дзяленнях).
Існуюць тры спосабы групоўкі: фармальная, зместавая, лагічная.
Фармальная групоўка грунтуецца на знешніх прыметах дакумента і арыентавана на забеспячэнне іх пошуку. Сярод яе разнавіднасцей выдзяляюцца размяшчэнне па алфавіце загалоўкаў дакументаў і прозвішчаў аўтараў; па відах выданняў; месцы выдання ці захоўвання; па храналагічных прыметах – датах выдання ці публікацыі дакументаў; мове; выдавецтвах і інш. Трэба ўлічваць мэтазгоднасць і рацыянальнасць прымянення гэтых груповак у залежнасці ад розных характарыстык складаемага дапаможніка. Так, алфавітная групоўка найбольш мэтазгодна ў невялікіх спісах ці ў апошніх дзяленнях бягучых бібліяграфічных дапаможнікаў; храналагічная – у персанальных бібліяграфічных дапаможніках ці дапаможніках па гісторыі навукі; тапаграфічная – у бібліяграфічных дапаможніках газет; па відах выданняў – у выдавецкіх каталогах, у персанальных паказальніках, каб адлюстраваць дзейнасць вучонага ў розных кірунках.
Зместавая групоўка арыентавана на аб'яднанне ў структурных адзінках дапаможніка дакументаў, блізкіх па змесце. Зместавая групоўка можа быць сістэматычнай, тэматычнай і прадметнай.
Пры сістэматычнай групоўцы матэрыял размяшчаецца ў адпаведнасці з прынятай схемай класіфікацыі (УДК, ББК, галіновай навуковай класіфікацыяй і інш.). Яна адрозніваецца лагічнасцю, іерархічнасцю пабудовы, стабільнасцю, супарадкаванасцю раздзелаў і рубрык, якія адлюстроўваюць сувязі ў навуцы, жорсткасцю структуры. Гэты від групоўкі выкарыстоўваецца ва універсальных і галіновых бібліяграфічных дапаможніках.
Тэматычная групоўка ўяўляе сабой арганізацыю бібліяграфічных запісаў па тэмах, якія ў сукупнасці раскрываюць змест бібліяграфічнага дапаможніка. Агульная колькасць дзяленняў, назвы раздзелаў і падраздзелаў у адрозненне ад сістэматычнай групоўкі могуць быць адвольнымі і ў блізкіх па змесце паказальніках. Яны дазваляюць засяродзіць увагу спажыўцоў інфармацыі на актуальных праблемах, паказаць сучасны стан, перспектывы развіцця пэўнай праблемы, яе міжпрадметныя сувязі. Пры тэматычнай групоўцы ўвага надаецца логіцы ў выдзяленні раздзелаў і падраздзелаў; дробнасць тэматычнай групоўкі залежыць ад агульнай колькасці дакументаў, ад чытацкага прызначэння (вельмі дробная групоўка немэтазгодная для малападрыхтаванага спажыўца інфармацыі). Выкарыстоўваецца гэты спосаб групоўкі ў тэматычных, міжгаліновых бібліяграфічных дапаможніках.
Пры прадметнай групоўцы ствараюцца комплексы бібліяграфічных запісаў па вузкіх тэмах – прадметных рубрыках, якія размяшчаюцца па алфавіце. Перавагі гэтага спосабу групоўкі – у хуткім пошуку неабходных дакументаў па канкрэтных пытаннях. Недахопы ж звязаны з тым, што ў сувязі са шматаспектнасцю дакументаў узнікае неабходнасць выкарыстання значнай колькасці прадметных рубрык, спасылачнага апарату паміж рубрыкамі, павялічваецца аб'ём дапаможніка. І ў той жа час алфавітны парадак размяшчэння прадметных рубрык разрывае сувязі паміж блізкімі па змесце запісамі, парушае іх лагічную паслядоўнасць. Таму гэты спосаб групоўкі прымяняецца вельмі рэдка, як правіла, у крыніцах навукова-дапаможнага характару.
Блізкай да прадметнай групоўкі з'яўляецца групоўка ў пермутацыйных паказальніках, якая заключаецца ў размя- шчэнні бібліяграфічных запісаў па алфавіце ключавых слоў загалоўкаў. Пермутацыйныя паказальнікі фарміруюцца ў форме табліцы, якая складаецца з трох вертыкальных калонак: у левай прыводзіцца загаловак, у цэнтральнай – ключавое слова, а ў правай – астатнія элементы бібліяграфічнага запісу.
Лагічная, ці рэкамендацыйная, групоўка – гэта размяшчэнне бібліяграфічных запісаў у рэкамендуемай паслядоўнасці знаёмства, вывучэння тэмы, напрыклад ад агульнага да асобнага, ад простага да складанага і г.д. Звычайна выкарыстоўваецца ў крыніцах папулярнай бібліяграфіі.
Групоўка можа быць простая (элементарная) і складаная. Пры простай групоўцы матэрыял размяркоўваецца паміж дзяленнямі аднаго ўзроўню. Складаная групоўка прадугле- джвае размеркаванне бібліяграфічных запісаў па раздзелах, якія ў сваю чаргу падзяляюцца на больш дробныя падраздзелы, рубрыкі. Групоўка дакументаў па розных узроўнях можа ажыццяўляцца з выкарыстаннем розных спосабаў і відаў груповак, што садзейнічае дасягненню шматаспектнага раскрыцця зместу і формы аб'ектаў бібліяграфавання.
Мэтазгоднасць выбару спосабу і віду групоўкі залежыць ад зместу бібліяграфічнага дапаможніка, яго мэтавага і чытацкага прызначэння, аб'ёму, зместу і характару аб'ектаў бібліяграфавання.
Пры арганізацыі матэрыялу ў бібліяграфічным дапаможніку неабходна прытрымлівацца наступных патрабаванняў: схема групоўкі павінна быць стройнай, гэта значыць заснаванай на прымяненні адзінага прынцыпу дзялення па асноўных раздзелах; лагічнай; адпавядаць сучаснаму стану развіцця навукі. Каб пазбавіцца пэўных недахопаў схем групоўкі і адлюстраваць шматаспектнасць зместу пэўных дакументаў у адпаведных раздзелах, трэба выкарыстоўваць спасылачна-даведачны апарат.