- •А.І.Смолік
- •Уводзіны
- •1. Тыпалогія культуры
- •1.1. Паняцці тыпу, тыпалогіі і тыпалагізацыі культур
- •1.2. Крытэрыі класіфікацыі культур
- •2. Культура першабытнага грамадства
- •2.1. Перыядызацыя і паняцце першабытнай культуры
- •2.2. Вызначальныя рысы першабытнай культуры
- •2.3. Помнікі першабытнай культуры на тэрыторыі Беларусі
- •3. Культура старажытных грамадстваЎ
- •3.1. Культура Месапатаміі
- •3.2. Мастацтва Месапатаміі
- •4. Культура егіпта
- •4.1. Адметныя асаблівасці старажытнаегіпецкай цывілізацыі
- •4.2. Важнейшыя рысы культуры Старажытнага Егіпта
- •4.3. Мастацтва
- •4.4. Матэрыяльная культура
- •5. Антычныя культуры
- •5.1. Паняцце антычнасці. Адметныя рысы антычнай культуры
- •5.2. Культура Старажытнай Грэцыі як пачатак і парадыгма еўрапейскай культуры
- •5.3. Мастацтва ў культурным жыцці старажытных грэкаў
- •5.4. Адукацыя, выхаванне і норавы старажытных грэкаў
- •6. Культурная спадчына старажытнарымскай цывілізацыі
- •6.1. Перыядызацыя культуры Старажытнага Рыма
- •І агульная характарыстыка гісторыка-культурных перыядаў
- •6.2. Мастацтва Старажытнага Рыма
- •6.3. Культура быту
- •7. Культура кітая
- •7.1. Перыядызацыя гісторыі і культуры Кітая
- •7.2. Адметныя рысы старажытнакітайскай культуры
- •7.3. Мастацтва Кітая
- •8. Культура старажытнай індыі
- •8.1. Асноўныя гістарычныя тыпы індаарыйскай цывілізацыі
- •8.2. Асноўныя рысы культуры
- •8.3. Мастацтва
- •9. Культура візантыі
- •9.1. Хрысціянскі характар культуры
- •9.2. Філасофія і тэалогія
- •9.3. Мастацтва Візантыі
- •10. Сярэдневяковая культура
- •10.1. Сярэднявечча: паняцце і яго адметнасці
- •10.2. Субкультуры Сярэднявечча
- •10.3. Мастацкая культура
- •10.4. Сярэдневяковая беларуская культура
- •10.5. Мастацтва Беларусі ў Сярэднявеччы
- •11. Культура эпохі адраджэння
- •11.1. Агульная характарыстыка эпохі Адраджэння
- •11.2. Мастацтва
- •11.2.1. Літаратура
- •11.2.3. Музыка
- •11.3. Навука
- •11.4. Адраджэнне на тэрыторыі Беларусі
- •12. Культура новага часу
- •12.1. Агульная характарыстыка культуры Новага часу
- •12.2. Філасофска-рэлігійныя канцэпцыі
- •12.3. Мастацтва
- •12.4. Культура Беларусі
- •13. Сучасная культура
- •13.1. Агульныя рысы сучаснай культуры
- •13.2. Навука як сацыякультурны феномен
- •13.3. Мастацкая культура першай паловы хх ст.
- •13.4. Постмадэрнізм у культуры другой паловы хх ст.
- •13.5. Беларуская культура ва ўмовах сучаснай глабалізацыі
- •Слоўнік паняццяў і катэгорый культуры
- •Культуралогія: гісторыя культуры
- •220007, Мінск, вул. Рабкораўская, 17.
- •220007, Г.Мінск, вул. Рабкораўская, 17.
11. Культура эпохі адраджэння
11.1. Агульная характарыстыка эпохі Адраджэння
У сучаснай навуцы тэрмін “адраджэнне” разумеецца ў шырокім і вузкім значэннях. У шырокім значэнні гэты тэрмін абазначае этнакультурны пад’ём, рост нацыянальнай свядомасці, актывiзацыю развіцця нацыянальнай культуры. У вузкім сэнсе гаворка ідзе аб перыядзе развіцця сусветнай, у першую чаргу еўрапейскай, культуры з канца XII ст. (Італія) да пачатку XVII ст.
Тэрмін “адраджэнне” для характарыстыкi эпохi XIV–XVI стст. быў уведзены яе сучаснікамі – iтальянскiмi гуманiстамi. Генетычна звязаны з рэлігійна-этычным паняццем “аднаўленне”, гэты тэрмін набывае ў азначаны перыяд прынцыпова iншы сэнс: аднаўленне культуры, пад’ём літаратуры, мастацтва, навукі пасля іх заняпаду ў Сярэднія вякі, а таксама як паняцце “эпоха пасярэдзіне” (між Антычнасцю і Рэнесансам).
Эпоха Адраджэння – перыяд у гісторыі культуры Заходняй і Цэнтральнай Еўропы XIV–XVI стст., асноўным зместам якога было станаўленне новай, "зямной" па сваёй сутнасці карціны свету, кардынальна адрознай ад сярэднявечнай. Новая карціна свету знайшла ўвасабленне ў гуманiзме, вядучай ідэйнай плыні эпохi, і натурфiласофii, выявілася ў мастацтве і навуцы. Будаўнічым матэрыялам для новай культуры паслужыла Антычнасць, да якой звярнуліся праз эпоху Сярэднявечча і якая “адраджалася” да новага жыцця, адсюль назва эпохi – “Адраджэнне”, або “Рэнесанс”. Зарадзіўшыся ў Італіі ў канцы XV ст., у выніку сінтэзу iтальянскай і мясцовых нацыянальных традыцый нараджаецца новая культура – культура Паўночнага Адраджэння. У эпоху Адраджэння новая рэнесансная культура суiснавала з культурай позняга Сярэднявечча, што асабліва характэрна для краін, якiя знаходзiлiся на поўнач ад Італіі і Альп. Гэты перыяд у гісторыі еўрапейскай культуры адметны пераносам культурных інтарэсаў са сферы вышэйшага (нябеснага) Сусвету, з краю сакральнага да матэрыяльнага праяўлення жыцця, стварэння культуры антрапацэнтрызму (ад грэч. аnthropos – чалавек). Эпоха Адраджэння характарызуецца ўсплескам мастацкай дзейнасцi, у першую чаргу пластычнага мастацтва (жывапiс, скульптура), з’яўленнем нацыянальных моў на аснове царкоўнай латыні і мясцовых народных гаворак, станаўленнем нацыянальных дзяржаў на аснове феадальных уладанняў, эканамiчным развіццём, а на яго аснове развіццём гарадоў і звязанай з імі цывiлiзацыi, духоўнай секулярызацыяй і ростам індывiдуалiстычных тэндэнцый у грамадскiм жыццi.
Працэс “праходжання” Адраджэння быў нераўнамерны ў розных еўрапейскіх краінах. Існуюць тры тыпы рэнесансных культур.
Італьянскае Адраджэнне. Для яго характэрны паслядоўнасць працэсу духоўнага разняволення з-пад улады царквы (як эканамічна, так і палітычна; менавіта гэты працэс атрымаў назву секулярызацыi), мастацкі ўздым, з’яўленне новых жанраў у мастацтве (ды і ўласна мастацтва ў нашым разуменнi гэтага слова). Італія лiчыцца радзімай культуры Адраджэння. Менавіта тут гэтая культура ўпершыню заявіла аб сабе фактам з’яўлення кнiгi вершаў Дантэ Алiг’еры “Новае жыцце” (“Vita nuova”), першага ў Еўропе лiтаратурнага твора на нацыянальнай мове. У сваім развіцці рэнесансны тып культуры прайшоў некалькі этапаў. Найбольш выразна яны вылучаюцца ў iтальянскай культуры і размяжоўваюцца такім чынам: Протарэнесанс (другая палова XII – пачатак XIVст.); Ранняе Адраджэнне(XIV – пачатак XVст.); Сталае Адраджэнне (XV – першая чвэрць XVIст.); Высокае Адраджэнне (першая чвэрць XVI – сярэдзіна XVIст.); Позняе Адраджэнне (другая палова XVI – пачатак XVIIст.).
Другім тыпам рэнесанснай культуры лiчыцца Паўночнае Адраджэнне (краіны, размешчаныя на поўначы ад Італіі: Нідэрланды, Нямеччына, Францыя). Яно характарызуецца больш сціснутым і інтэнсіўным пераносам рэнесанснай праблематыкі са знешніх праяў на рашэнне ўнутраных пытанняў веры, дзяржаўнасці. Паўночнае Адраджэнне пачынаецца ў сярэдзіне XIV ст. і доўжыцца да канца XVIII ст.
Трэці тып рэнесансных культур уяўляюць культуры, што прайшлi толькі частковае Адраджэнне, “пражыўшы” яго ў кароткія перыяды (за 40–70 гадоў) і не ў “чыстым” выглядзе нават у параўнанні з Паўночным Адраджэннем. Да такога тыпу рэнесансных культур адносяць культуры Англii, Партугалii, шэрага славянскіх краін (Чэхii, Польшчы, Украіны).
Важнейшымі рысамі рэнесанснай культуры з’яўляюцца: развіццё індывiдуалiзму, у выніку чаго “героем эпохi” паўстае моцная гераічная асоба. Усё гэта надало Адраджэнню характар перавароту ў жыццёвым укладзе і феадальна-каталіцкім успрыманні свету. Сваёй духоўнай прарадыгмай гуманiсты лiчылi культуру Антычнасцi. Але гуманiсты бачылi чалавека як “вянец Боскага тварэння”, уладара прыроды, якая дадзена яму для асабістай творчасцi. Такія ідэі сцвярджаў у сваім трактаце “Аб вартасці чалавека” гуманiст Пiко дэ Ла Мiрандола.
Адной з найбольш яскравых прымет iтальянскага Адраджэння стала новае разуменне мастацтва і навукі, якія перасталi лiчыцца нявартымі павагі высакароднага чалавека. Таму ў раздробленай на мноства карлікавых дзяржаў Італіі былі такiмi знакамiтымi дзеячы мастацтваў – жывапiсцы Мазачча, Леанарда да Вiнчы, Мiкеланджэла Буанароцi, Рафаэль Санцi, скульптары Данатэла і інш.