Вопрос Vbl

На иконах пишут: приидете, людие, трисоставному божеству поклонимся. И в исподнем ряду пишут цари и князи и святите­ли и народи, которые живи суще. И о том поразсудити. Тако-же пишут и пречистыя Богородица образ в деянии, иже есть на Тихфине. И цари и князи и народи предстоят молящеся, кото­рый живи суть, и о том разсудити от святых отец писании, до­стоит ли писати живых и мертвых на святых иконах молящих­ся. И о том ответ. От древних святых отец предание и от пре-словущих живописцов греческих и русских свидетельствуют и на святых иконах воображены и написаны, якоже и на воздви­жение честного и животворящаго креста, не токмо царие и свя­тители и князи и прочие народы многая множество всяческих чинов. Такоже и на покров пресвятыя Богородица, егда виде святый Андрей³™ Богородицу, молящуся со всеми святыми за весь мир, безчисленная множества народа написано. Такоже и на происхождение честного креста не токмо царие и князи, но и множество безчисленно народа на^^м'писани суть ⁱ ■ На страшном же суде на иконах воображают и пишут не токмо святых, но и неверных многие и различные лики ото всех язык.

Вопрос 8

На святых церквах ставят кресты по древнему закону. Ныне убо вдружен крест животворящий на соборной церкви пречи­стыя Богородица честного и славного ей успения на новопозла-

щенном верее, якоже есть в церквах воздвизальныи крест, им-же благословляют. И о том разсудити и уложити на святом со­боре, которым образом впредь ставити крест на церквах и о тех крестех, которые стоят на церквах, достоит поразеуди. И о том ответ. Якоже искони на святых церквах святые кресты водру­жены и поставлены и доднесь такоже да пребывают неподви-жимы. Такоже и ныне убо водружен бысть и поставлен святый крест благочестивым царем Иваном на соборной церкви пречи­стыя Богородицы на новопозлащенном верее, якоже есть возд­визальныи крест имже благословляют. И тако достоит на славу богу и на умножение лет благочестивому царю Ивану и на со­хранение всего его росийского царьствия, и таковыя святые кресты на церквах и впредь до поставляются же. А что на мно­гих церквах стоят святыя кресты, и на тех крестах приделавают кузнецы на всех концех иные меньшие кресты по два и по три вместе, и те меньшие кресты бурею и сильным ветром почасту ломает. И впредь бы кузнецы делали кресты по чину и кресто­образно по древним образцом якоже уставиша и предаша свя-тии апостоли и святии отцы, а по концам бы наделывали кре­пости для по единому кресту со всяцех утвержением, а от свое­го бы замышления ничтоже не претворяли кроме церковного предания.

Вопрос 9

Во уставе написано: в суботу вечер такоже и праздником христовым и богородицыным и святых нарочитых пети литея, а по вся дни за упокой пети литея после заутрени и вечерни. А в которой день славословие великое поется, тогда оставляется ли­тея заупокойная и зде в соборных церквах того не поют. И о том ответ. По божественному уставу во всех святых соборных церквах праздничные литеи и повсядневные литеи пети не­отложно: за здравие и за упокой поминати, якоже устав пове­левает.