- •1. Лексікалогія як раздзел мовазнаўства
- •2. Мнагазначнасць слова
- •Лексічныя моўныя апазіцыі
- •Апазіцыі фармальнай тоеснасці. Амонімы
- •Апазіцыі семантычнай тоеснасці. Сінонімы
- •Апазіцыі семантычнай процілегласці. Антонімы.
- •Фармальна-семантычныя апазіцыі. Паронімы.
- •3. Дыферэнцыяцыя слоўнікавага складу
- •Актыўная і пасіўная лексіка. Новыя і ўстарэлыя словы
- •Лексіка беларускай мовы паводле сферы ўжывання
- •Лексіка беларускай мовы паводле с тылістычнай дыферэнцыяцыі
- •4. Фразеалогія як раздзел мовазнаўства
- •Фразеалагізм як моўная адзінка і яго прыметы
- •Класіфікацыі фразеалагічных зваротаў
- •5. Лексікаграфія як навука
- •Віды лінгвістычных слоўнікаў
- •6. Фанетыка і фаналогія як раздзелы мовазнаўства
- •Гук і фанема
- •Фанетычны падзел маўленчай плыні
- •Гукі мовы і аспекты іх вывучэння
- •Класіфікацыя гукаў маўлення і яе прынцыпы
- •Артыкуляцыйная класіфікацыя галосных
- •7. Склад I складападзел
- •Фанетычная прырода націску
- •8. Пазіцыйныя і гістарычныя чаргаванні гукаў
- •Чаргаванні галосных гукаў
- •Чаргаванні зычных гукаў
- •9. Арфаэпія як правілы рэалізацыі фанетычнай сістэмы
- •Асноўныя правілы вымаўлення зычных
- •Адхіленні ад норм літаратурнага вымаўлення і іх пры- чыны
- •10. Графіка, яе прадмет і задачы. Алфавіт як аснова графікі
- •11. Арфаграфія і яе прынцыпы
- •Кароткія звесткі з гісторыі беларускай арфаграфіі
- •12. Назоўнік як часціна мовы. Лексіка-граматычныя разрады назоўніка
- •Род назоўнікаў
- •Склон назоўнікаў. Асноўныя значэнні склонаў
- •Назоўнікі трэцяга скланення, іх канчаткі
- •Рознаскланяльныя назоўнікі, іх канчаткі
- •Скланенне назоўнікаў у множным ліку
- •Скланенне некаторых прозвішчаў і геаграфічных назваў
- •Нескланяльныя назоўнікі
- •Формы назоўнікаў з суфіксамі ацэнкі
- •Утварэнне назоўнікаў
- •13. Паняцце аб словаўтварэнні
- •14. Граматычныя значэнні і сродкі іх перадачы
- •Часціны мовы як лексіка-граматычныя разрады слоў
- •Сістэма часцін мовы
- •15. Марфемная структура слова. Марфема
- •Тыпы марфем
- •Аснова слова і канчатак
- •Корань і афіксы
- •Змены ў марфемнай структуры слова
- •16. Прыметнік як часціна мовы
- •Разрады прыметнікаў
- •Поўныя і кароткія формы прыметнікаў
- •Ступені параўнання якасных прыметнікаў
- •Формы прыметнікаў са значэннем ацэнкі і меры якасці
- •Утварэнне прыметнікаў
- •17. Лічэбнік як часціна мовы. Разрады лічэбнікаў
- •Уласнаколькасныя лічэбнікі
- •Зборныя лічэбнікі
- •Сінтаксічная сувязь лічэбнікаў з назоўнікамі
- •Скланенне ўласнаколькасных, зборных і дробавых лічэбнікаў
- •Парадкавыя лічэбнікі, іх утварэнне і скланенне
- •Пераход лічэбнікаў у іншыя часціны мовы
- •Няпэўна-колькасныя словы
- •18. Займеннік як часціна мовы
- •Асабовыя займеннікі
- •Зваротны займеннік сябе
- •Прыналежныя займеннікі
- •Указальныя займеннікі
- •Азначальныя займеннікі
- •Пытальныя і адносныя займеннікі
- •Адмоўныя займеннікі
- •Няпэўныя займеннікі
- •Пераход слоў іншых часцін мовы ў займеннікі. Ужыванне займеннікаў у ролі іншых часцін мовы
- •19. Дзеяслоў як чаcціна мовы
- •Асновы дзеяслова
- •Пераходныя і непераходныя дзеясловы
- •Зваротныя дзеясловы
- •Катэгорыя стану дзеясловаў
- •Паняцце трывання
- •Утварэнне суадносных пар трывання
- •Ступеннае ўтварэнне трыванняў
- •Паняцце катэгорыі ладу. Абвесны лад
- •Катэгорыя часу дзеясловаў
- •Цяперашні час
- •Будучы час
- •Прошлы час
- •Катэгорыя асобы дзеясловаў
- •Безасабовыя дзеясловы
- •Спражэнне дзеясловаў
- •Рознаспрагальныя дзеясловы
- •Утварэнне дзеясловаў
- •20. Дзеепрыметнік и дзеепрыслоуе Дзеепрыметнік як дзеяслоўная форма
- •Утварэнне дзеепрыметнікаў
- •Пераход дзеепрыметнікаў у прыметнікі
- •Дзеепрыслоўе як дзеяслоўная форма
- •Адноснае абазначэнне часу дзеепрыслоўямі
- •Утварэнне дзеепрыслоўяў
- •Ужыванне дзеепрыслоўяў
- •21. Прыслоўе як часціна мовы
- •Разрады прыслоўяў паводле значэння
- •Ступені параўнання якасных прыслоўяў
- •Формы прыслоўяў са значэннем ацэнкі і меры якасці
- •Спосабы ўтварэння прыслоўяў
- •Ужыванне прыслоўяў у ролі іншых часцін мовы
- •Безасабова-прэдыкатыўныя словы (катэгорыя стану) Агульная характарыстыка безасабова-прэдыкатыўных слоў
- •Утварэнне безасабова-прэдыкатыўных слоў
- •22. Службовыя цасцины мовы Прыназоўнік як часціна мовы
- •Невытворныя і вытворныя прыназоўнікі
- •Ужыванне прыназоўнікаў са склонамі
- •Асноўныя значэнні прыназоўнікаў
- •Злучнік як часціна мовы
- •Злучальныя і падпарадкавальныя злучнікі
- •Класіфікацыя злучнікаў паводле іх паходжання, структу- ры і спосабу ўжывання
- •Часціцы як часціна мовы
- •Класіфікацыя часціц
- •Часціцы, якія выражаюць дадатковыя сэнсавыя адценні
- •Мадальныя і мадальна-валявыя часціцы
- •Эмацыянальна-экспрэсіўныя часціцы
- •Выклічнік як часціна мовы
- •Разрады выклічнікаў
- •Мадальныя словы.Мадальнасць і сродкі яе выражэння
- •Мадальныя словы іх характарыстыка і семантычныя разрады
- •Суадноснасць мадальных слоў з іншымі часцінамі мовы
16. Прыметнік як часціна мовы
Прыметнік – самастойная часціна мовы, якая мае абагульненае
значэнне прыметы, характарызуецца граматычнымі катэгорыямі роду,
ліку і склону, у сказе выконвае функцыю азначэння або выказніка.
Значэнне прыметы – катэгарыяльнае значэнне прыметніка як часці-
ны мовы. Яно ахоплівае знешнія якасці, уласцівасці людзей і жывёл: ма-
лады, стройны, прыгожы, хітры, кульгавы; унутраныя (псіхалагічныя)
рысы чалавека: добры, мудры, сарамлівы, руплівы; прыметы па адносі-
нах да прасторы, месца, часу, ліку, матэрыялу, дзеяння: высокі, гарадскі,
учарашні, трохступенны, драўляны, ломкі, носкі; колер: белы, зялёны;
якасці, уласцівасці: мяккі, салодкі, кіслы; прыметы прадметаў паводле іх
прызначэння: службовы (аўтобус), уступныя (экзамены) ці прыналежна-
сць пэўнай асобе або жывой істоце: бацькаў (падарунак), матчына (ла-
ска), баброва (хатка).
Граматычныя катэгорыі роду, ліку і склону ў прыметніка сінтаксі-
чныя, залежныя ад назоўніка: зялёны лес, шырокае поле, далёкая дарога,
вясновыя дні. Значэнні роду, ліку і склону прыметнікі выражаюць з
дапамогай канчаткаў. Прыметнікам уласцівыя спецыфічныя сло-
ваўтваральныя і формаўтваральныя суфіксы: агністы, аўтарскі, імклівы,
міленькі, велічэзны, святлейшы.
Асноўная сінтаксічная функцыя прыметніка – быць у сказе
азначэннем або выказнікам: Я выпешчу, выпушчу ў ранак вясновы, як
птушак, душы запаветныя словы пасланцамі песеннай матчынай
мовы (Т.Б.). Гарачая была гэта раніца (К-с).
Разрады прыметнікаў
Паводле значэння, граматычных і словаўтваральных уласцівасцей
прыметнікі падзяляюцца на якасныя, адносныя і прыналежныя.
Якасныя прыметнікі абазначаюць разнастайныя прыметы
прадметаў непасрэдна праз лексічнае значэнне асновы. Найчасцей яны
абазначаюць уласцівасці і якасці, якія ўспрымаюцца органамі пачуццяў:
салодкі, горкі, гарачы, белы, сіні, звонкі, шумны, нізкі, тоўсты; уласціва-
сці характару, асаблівасці псіхічнага складу чалавека: добры, крыклівы,
памяркоўны; выражаюць агульную ацэнку: трывалы, цудоўны, выда-
тны. Якасныя прыметнікі характарызуюцца наступнымі граматычнымі
словаўтваральнымі і лексічнымі асаблівасцямі, якімі яны адрозніваюцца
ад адносных і прыналежных:
абазначаюць прымету, якая можа праяўляцца ў большай ці меншай
ступені – утвараюць ступені параўнання: смелы – смялейшы, найсмялей-
шы, самы смелы;
маюць поўную і кароткую формы: смутны – смуцен, рады – рад,
поўны – повен;
спалучаюцца з прыслоўямі меры і ступені: вельмі здольны, надта
прыгожы, надзвычай лёгкі;
могуць быць вытворныя і невытворныя: духмяны, цярплівы, звонкі,
белы, чысты;
утвараюць формы ацэнкі і меры якасці: белы – беленькі, бялюсень-
кі, бялюткі, бялюсенечкі, белаваты; шырокі – шырачэзны;
ад большасці якасных прыметнікаў утвараюцца якасныя прыслоўі
на -а, -у: светла, хораша, па-маладому, па-геройску, а таксама назоўнікі з
адцягненым значэннем: белізна, смеласць, сінеча, маладосць;
утвараюць антанімічныя пары: лёгкі – цяжкі, далёкі – блізкі.
Не ўсе якасныя прыметнікі маюць пералічаныя асаблівасці. Так,
напрыклад, прыметнікі вялы, халасты, жанаты не ўтвараюць ступеней
параўнання, прыметнікі гняды, вараны не маюць і суадносных якасных
прыслоўяў. Аднак некаторыя з гэтых прыметнікаў утвараюць формы ацэ-
нкі і меры якасці: гнядзенькі, вараненькі; утвараюць адцягненыя назоўні-
кі: вяласць.
Адносныя прыметнікі абазначаюць прымету прадмета праз яго ад-
носіны да іншых прадметаў: да матэрыялу, з якога зроблены прадмет:
дубовы стол – стол з дубу, залаты пярсцёнак – пярсцёнак з золата; да
месца знаходжання і часу існавання: падземная дарога, ранішняя прагу-
лка; да дзеяння як уласцівасці: раскладное крэсла – крэсла, што раскла-
даецца; да прызначэння: прыёмны пакой, вучэбная кніга; да ўдзельнікаў:
студэнцкая (канферэнцыя), прафсаюзны (сход); да тэрміну: сутачны
(рацыён), гадавы (план); да меры і вагі: трохметровы (ясень), пяцітон-
ны (самазвал).
Адносныя прыметнікі абазначаюць пастаянную, нязменную пры-
мету прадмета і паводле паходжання яны вытворныя.
Адносныя прыметнікі ў кантэксце могуць набываць пераноснае
значэнне і ўжывацца ў ролі якасных: залаты пярсцёнак і залаты ліста-
пад, сонечны прамень і сонечны ўспамін. У сваю чаргу якасныя прыме-
тнікі могуць набываць значэнне сталай (пастаяннай) прыметы, тэрміна-
лагізавацца і пераходзіць у адносныя: звонкі голас і звонкі зычны (гук),
глухі стук і глухі зычны, лёгкае заданне і лёгкая прамысловасць. Такія
прыметнікі звычайна становяцца тэрмінамі.
Прыналежныя прыметнікі абазначаюць прыналежнасць прадмета
пэўнай канкрэтнай асобе (жывой істоце): маміна кніга, бабуліна хустка,
бацькаў партфель, буслава гняздо; паказваюць на агульную родавую
прыналежнасць: воўчы след, вавёрчыны арэхі. У некаторых навуковых
працах прыналежныя прыметнікі кваліфікуюцца як адносныя, паколькі
яны абазначаюць прымету не непасрэдна, а праз адносіны да іншых
прадметаў (асоб), прымету прадмета па адносінах да іх уладальніка.
Прыналежныя прыметнікі падзяляюцца на ўласнапрыналежныя і агуль-
напрыналежныя.
Уласнапрыналежныя прыметнікі абазначаюць прыналежнасць
прадмета канкрэтнай, індывідуальнай асобе, маюць свае адметныя аса-
блівасці: у назоўным і вінавальным склонах пры неадушаўлёных і асабо-
вых назоўніках жаночага і ніякага роду маюць кароткую форму: брата-
ва паліто, бацькаву шапку, бабулін стол, сестрына дачка, сестрыну да-
чку; утвараюцца толькі ад асабовых назоўнікаў: ад назоўнікаў мужчы-
нскага роду пры дапамозе суфіксаў -аў(-аў), -ёў(-еў): братаў, Колеў, ста-
ршынёў, краўцоў; ад назоўнікаў жаночага роду – пры дапамозе суфіксаў
-ін(-ын): мамін, Наташын.
Агульнапрыналежныя прыметнікі паказваюць на агульную, рода-
вую прыналежнасць: воўчы след – след ваўка, пчаліны мёд. Агульнапры-
належныя прыметнікі падобныя да адносных і значэннем (абазначаюць
не індывідуальную прыналежнасць, а агульную), і формай – могуць
быць поўнымі ў назоўным і вінавальным склонах: бабровая хатка,
мядзведжы бярлог, казінае малако, салаўіная песня.
Прыналежныя прыметнікі пры пераносна-вобразным ужыванні
набываюць значэнне якасных: заячая нара і заячая смеласць, мядзве-
джы след і мядзвежая сіла, воўчы апетыт, лісіная хітрасць. Ужытыя з
якасным значэннем, гэтыя прыметнікі могуць набываць граматычныя
рысы якасных: утвараць ступені параўнання (найчасцей – складаныя фо-
рмы); ад іх могуць утварацца прыслоўі на -а і назоўнікі на -асць; могуць
далучаць да сябе прыслоўі меры і ступені: паэтычная назва – яшчэ
больш паэтычная, надта паэтычная, паэтычнасць, паэтычна.